ما حجاملك على شان اكسب رضااك

ما جاملك لجل أكسب إرضاك
ماهو بطبعي ياغناتي


مبداي أنا أخلص وإنتْ مبداك
دايم تنوّر لي حياتي


مبداي أحبّك موت وأهواك
ومبداك تتولّع شراتي


مبداي مـن قلبي أنا أباك
ومبداك تكثر من غلاتي


مبداي أحقّق لك نواياك
ومبداك تفرح بأمنياتي


مبداي أعيش العمر ويّاك
ومبـداك تاخذ من صفاتي


الله رزقني بك وخلاّك
ماضي وحاضر ذكرياتي


أعطش وتسقيني بيمناك
أتعَب وأشوفك لي شفاتي


عسى العمر والروح تفداك
يا مالكٍ قلبي و ذاتي

يالله عسى المعبود يرعاك
دعواي حتى في صلاتي

للشاعر
جمعة بن نايم

منقول

انشاء اللهـ عجبتكم القصيدهـ

يعطيك العافيه